Өглөө.мн Шинэ өглөө, Шинэ мэдээлэл
Улаанбаатар хотын Ерөнхий менежерийн 2017 oны наймдугаар сарын 25-ны өдрийн А/134 тоот тушаалын хэрэгжилтийг хангах ажлын хүрээнд Чингэлтэй дүүргийн ЗДТГ-ын Хүнс, худалдаа үйлчилгээний хэлтэс, Мэргэжлийн хяналтын хэлтэс, Цагдаагийн 1-р хэлтэс, Газрын алба, 2-р хорооны Засаг даргын Ажлын алба, ТҮК-тай хамтарсан ажлын хэсэг дүүргийн 2-р хорооны нутаг дэвсгэрт “Алтжин” худалдааны төвийн урд талбайд гарсан зөвшөөрөлгүй ногооны худалдаа, “Содон” бөмбөгөр орчмын ил задгай худалдаа, үйлчилгээ эрхэлж буй иргэдийн үйл ажиллагааг зогсоожээ. Мөн газрын албанаас тухайн орчны газрыг чөлөөлөх ажлыг хийж, ТҮК-иас орчны цэвэрлэгээг хийсэн байна.
