Хаппи Веритас төвд алат, асат-н шинжилгээг үнэгүй хийж эхэлжээ

Вируст гепатит болон Элэгний өвчлөлийг бууруулах үндэсний хөтөлбөрийн хүрээнд нийгмийн хариуцлага хэрэгжүүлэгч Хаппи Веритас эмчилгээ оношилгооны төв есдүгээр сарын 7-ноос аравдугаар сарын 7 хүртэл Элэгний үйл ажиллагааны гол үзүүлэлт болох Алат, Асат-н шинжилгээ оношилгоог үнэ төлбөргүй хийх нэг сарын аяныг зарлажээ.

Элэгний үйл ажиллагааны үзүүлэлтэд 

• Алат
• Асат
• Нийт билирубин
• Нийт уураг
• Альбумин гэсэн 5-н үзүүлэлт байгаагаас хамгийн гол 2 үзүүлэлт нь алат, асат юм.

Алат /ALANINE AMINOTRANSFERASE/

Зөвхөн элэгний эсэд агуулагддаг учир зөвхөн элэгний өөрчлөлтийг зааж байдаг элэгний хамгийн анхны хамгийн бодит шинжилгээ гэж үзэж болно.

Асат /ASPARTATE AMINOTRANSFERASE/

Асат бол зүрх, элэг, булчингийн эсэд агуулагддаг учраас зарим нэг зүрхний өвчлөл, булчингийн гэмтлийн үед өндөр гарч болдог ч алат, асат хамтаараа өндөр байх нь элэгний архаг үрэвслийг илтгэж байдаг.