“Монголын дуурийн ханхүү” -д хүндэтгэл үзүүлэв

Монгол улсын Хөдөлмөрийн баатар, Ардын жүжигчин, СУИС-ийн хүндэт доктор, профессор, монголын дуурийн урлагийн дэг сургалтыг үндэслэгч Гонгорын Хайдав өөрийн 90 насны ойн Хүндэтгэлийн тоглолт, фото зургийн үзэсгэлэн, номын нээлтэнд хүрэлцэн ирж түүнийг үе үеийн шавь нар, СУИС-ийн удирдлагууд, сонгодог урлагт хайртай түмэн олон хүндэтгэн угтлаа. “Монголын дуурийн ханхүү” хүндэтгэлийн  тоглолтод Монголын үе үеийн алдартай дуучид болох шавь нар нь уран бүтээлээ толилуулж багшдаа хүндэтгэл үзүүлсэн юм. Өчигдөр болсон тоглолтын үеэр түүнд СУИС-ийн удирдлагууд хүндэтгэл үзүүлж эрдмийн зөвлөлийн шагнал гардууллаа.