Өглөө.мн Шинэ өглөө, Шинэ мэдээлэл
Испанийн хөлбөмбөгийн “Барселона” багийн довтлогч 26 настай аргентин залуу Лионель Месси багийнхаа удирдлагаас өөрийнхөө цалинг бараг хоёр дахин нэмэхийг шаардахаар зэхэж байгаа гэнэ.
Тэрээр одоо “Барселона” багийн довтлогчоор жилд 10.5 сая еврогийн цалин авдаг юм байна. Харин ирэх жилээс өөрт нь 18 сая евро өгөхийг шаардах гэнэ.
Хэрвээ багийн удирдлага нь түүний шаардлагыг хүлээж авбал Месси энэ дэлхийн хамгийн өндөр цалинтай хөлбөмбөгчин болох юм.
Мессигийн хүсэл Бразил залуу Нэймар, Мадридын “Реал” багийн португаль довтлогч Криштиану Роналду нараас илүү цалин авахыг хүсэж байгаа гэнэ. Нэймарын цалин хоёр хэсэгт хуваагддаг байна. Цалин нь долоон сая евро бол 10 сая нь урамшуулал аж. Роналду мөн 17 сая евро авдаг ч шинэ гэрээгээр түүнд жилийн 18 сая евро өгөхөөр болжээ.
Испанийн сэтгүүлчдийн мэдээлж байгаагаар Месси цалин дээрээ нэмж 3-5 сая еврогийн урамшуулал авахаар зэхэж байгаа гэнэ. Тэгвэл мань залуу жилийн 23 сая хүртэлх еврогийн орлоготой болох юм.
Эх сурвалж www.wikimon.mn
