Өглөө.мн Шинэ өглөө, Шинэ мэдээлэл
Баянзүрх дүүрэг, Токиогийн гудамж буюу олны хэлж заншсанаар Сансарын шатахуун түгээх станцын автобусны буудалд баригдсан явган хүний гүүрэн гарцын нээлт өнөөдөр 10.30 цагт боллоо. Гүүрэн гарцны нээлтийн ёслолд нийслэлийн удирдлагууд оролцлоо.
Нийтдээ 847 сая төгрөгийн хөрөнгөөр боссон уг гүүрэн гарц нь металл бүтэцтэй, шилэн фасадтай анхны гарц гэдгээрээ онцлог юм. Гүүрэн гарцад хөгжлийн бэрхшээлтэй иргэдэд зориулсан налуу замыг зориулалтын дагуу байгуулжээ. Баянзүрх дүүргийн 2, 22 дугаар хорооны хүүхэд багачууд сургууль, цэцэрлэгт явахын тулд зам гарах гэж удаан хугацаагаар саатдагаас гадна автомашины хөл хөдөлгөөн их байдаг учраас уг үүрэн гарцыг барьсан гэж удирдлагууд ярьлаа. 
