Өглөө.мн Шинэ өглөө, Шинэ мэдээлэл
Улсын Драмын Эрдмийн театрын залуу жүжигчин Б.Шинэбаяр хилийн дээс алхаж Арабын нэгдсэн Эмиратад жүжигчний мэргэжлээр эрдмийн зэрэг хамгаалахаар мордлоо.
Тэрбээр СУИС-ын жүжигчний ангийг дүүргэж “Аав”, “Хязгааргүй”, “Учрал”, “Атганд үлдсэн Эрдэнэ” зэрэг хэд хэдэн кинонд гол ба туслах дүрийг бүтээж үзэгч олонд танигдсан. Түүгээр зогсохгүй алдарт Ромео Жульетта сонгодог жүжгийн гол дүрд тоглож орчин цагийн “Ромео” нэр зүүгээд амжсан байдаг.
Мөн “Драмын гурав” нэртэй УДЭТ-аас төрсөн залуу жүжигчдийн хамтаар хамтлаг байгуулж шинэ уран бүтээл хийх хүсэлтэй гэдгээ онцолж байв. Тэгвэл энэ удаад Арабын Эмиратад магистр цол хамгаалахаар болжээ. Энэ тухай цахим хуудастаа “Сайн сууцгааж байгаарай манайхаан, гаргаж өгсөн андууддаа баярлалаа. Хайртай шүү” гэж бичжээ.
