Өглөө.мн Шинэ өглөө, Шинэ мэдээлэл
Утасны чинь дугаар
Урууланд минь байдаг
Янаг уруулын чинь бал бурам
Мансууруулах бодистой байдаг” хэмээх шүлэгтэй дууг та бүхэн санаж буй биз ээ. Одоогоос 21 жилийн өмнө үзэгч, сонсогчдыг байлдан дагуулж байсан “Утасны дугаар” дууг Гавьяат жүжигчин, дуучин Т.Ариунаа дахин шинэчилж фенүүддээ хүргэхээр болжээ. 1996 онд анхны “Эрос № 1” хэмээх цомгоо гарган тус ондоо анхны бие даасан тоглолтоо хийсэн байна. Уг цомогт багтсан “Мартахгүй”, “Баяртай гэж хэлж чадахгvй”, “Анхны хайр” зэрэг дуунууд нь нилээд их амжилт олсноор түүнийг алдар хүндтэй дуучин болгож чадсан юм. Уг цомогт багтсан “Утасны дугаар” хэмээх дуу нь маш өвөрмөц шийдэлтэй болсон нь тухайн үедээ олны таашаалыг хүртэж байлаа.
Дуучин Т.Ариунаа “Cosmic Ариунаа” хэмээх шинэ цомогт багтсан “Утасны дугаар” дууны клипыг фенүүддээ тун удахгүй хүргэх гэнэ. Түүний ээлжит тэсрэлтийг тэсэн ядан харах үлдлээ.
Энэ удаад “Утасны дугаар” дууг “Хар Сарнай” хамтлагийн С.Амармандахтай шинэчлэн дуулж ремикс хувилбарыг гаргахаар төлөвлөж байна.
Мэргэжлийн дуучид л хоолойны тогтсон техникээ өөрчилж дуулдаг гэдэг. Тэгвэл “Cosmic project” төслийн хүрээнд гаргасан “Cosmic Ariunaa: The Remixes” цомог дээр ажиллахдаа дуулалтын техникээ хүртэл өөрчилж өмнөх цомгуудаасаа өөр техникээр дуулсан нь бас нэгэн өвөрмөц шийдэл болсон гэнэ.
