Өглөө.мн Шинэ өглөө, Шинэ мэдээлэл
“Авьяаслаг Монголчууд” шоу нэвтрүүлгийн шилдэг оролцогч Б.Шижирбат эх орноо төлөөлөн “Asia’s Got Talent 2017” нэвтрүүлэгт оролцож байна.
Тэрбээр график анимешн, бүжиг хоёрыг хослуулснаараа онцлог басхүү өвөрмөц билээ. Өнгөрсөн зун “Авьяаслаг Америкчууд” шоу нэвтрүүлэгт амжилттай оролцсон бол энэ удаад Азийг байлдан дагуулахаар зэхэж байна. Тус шоу нэвтрүүлэг өнгөрсөн сарын 12-ноос эхлэн дэлгэцнээ цацагдсан бөгөөд Б.Шижирбатын хувьд хагас шигшээд өрсөлдөх эрхтэй боллоо. Түүнтэй хамт Азийн 27 орны авьяаслаг оролцогчид өрсөлдөж байна. Хэрэв шоуны ялагчаар тодорвол 100 мянган ам долларын эзэн болох юм. Шоу нэвтрүүлгийн шүүгчээр Алан Вон, Жастин Брэттон, Жей Пак, Ангун нар шүүж байна. Б.Шижирбатын үзүүлбэрт гурван шүүгч “тийм” гэсэн хариуг өгч шүүгч Жей Пак онцлон магтлаа.
