У.Мөнх-Эрдэнэ Дэлхийн аваргын 64 кг жинд эх орноо төлөөлөхөөр боллоо

Казакстаны Алмата  хотноо болох Боксын дэлхийн аварга шалгаруулах тэмцээний 64 кг жинд өрсөлдөх эрхээ авах сорилго тулаан дөнгөж саяхан У.Мөнх-Эрдэнэ, З.Энхзориг нарын дунд болж өндөрлөлөө.

Тулаанд МУГТ У.Мөнх-Эрдэн ялалт байгуулсан юм. Тиймээс тэрээр Дэлхийн аваргын 64 кг жинд эх орноо төлөөлөн тулалдах эрхтэй болж байна. МУГТ У.Мөнх-Эрдэнэ энэ жиндээ дэлхийд нэгт эрэмбэлэгдэж байгаа билээ.

МУГТ, У.Мөнх-Эрдэнэд дэлхийн аваргын тэмцээндээ амжилттай оролцохыг ерөөе!

Г.Сонор