Өглөө.мн Шинэ өглөө, Шинэ мэдээлэл
Эртний Олимпийн түүхэнд Олимпийн наадам зохион байгуулагдах хугацаанд Грекийн бүхий л овог, аймгууд дайн дажнаа зогсоон, эвлэрэлд хүрдэг уламжлалтай байв.
“Турин – 2006” Өвлийн XX олимпийн наадмаас эхлэн энэхүү энх тайвны хөдөлгөөнийг Олимпийн тосгонд “Эв найрамдлын хана” босгон тэмдэглэж эхэлсэн түүхтэй.
02 дугаар сарын 05-ны өдөр “Пёнчан – 2018” Олимпийн наадмын “Эв найрамдлын хана” нээлтээ хийж, ОУОХ-ны Ерөнхийлөгч Томас Бах, Нэгдсэн үндэсний байгууллага болон хоёр Солонгосын төлөөлөгчид оролцон хананд гарын үсгээ зурж баяр хүргэлээ.
“Пёнчан – 2018” Олимпийн наадам үргэлжлэх хугацаанд тус хананд оролцогч орнуудын баг тамирчид мөн гарын үсгээ үлдээн, энх тайван, эв найрамдлын хөдөлгөөнд нэгдэх юм.
