Хумхын орд: Өөрийн байр суурийг зоригтой илэрхийл

ХОНЬ (3/21-4/19)
Од эрхэс сайхан эерэг өдөр ирэхийг билэгдэх болно. Таны итгэл найдвар үнэ цэнэ өсөх болно. Танд хүч чадал, дур булаам байдлыг бэлэглэх болно. Од гарагсын нөлөөгөөр таны хүнийг татах увидас бусадтай ойлголцох байдал тань нэмэгдэх болно. Зорилгодоо хүрэхийг хичээж чармайх хэрэгтэй бөгөөд од гарагс ч үүнд тань туслах болно. Зарим хүмүүс албан тушаал дэвшиж цалин хөлсөө нэмэгдүүлэх болно. Хэрэв ажлаа солих гэж байгаа бол уран бүтээлчийн ажил танд илүү тохиромжтой байх болно.

ҮХЭР (4/20-5/20)
Та өөрийгөө юунд хамгийн сайн гэдгийг мэддэг хэмээн боддог ч гаргасан алдаанаасаа байнга суралцаж байх хэрэгтэйг хатуу анхаар. Өнөөдөр өөрийгөө бусдад илэрхийлэх хүсэл тань давамгайлах болно. Гэхдээ хэт өөртөө эрдэлгүй анхаарлаа сайн төвлөрүүл. Хуучин ажлаа дуусахаасаа өмнө шинэ ажил эхлэх болно. Энэ нь таны өөрийн авьяас чадварыг бусдад илэрхийлэх гэсэн хүсэлтэй тань нягт холбоотой тул анхааралтай бай. Мөрийтэй тоглоом эсвэл хөрөнгийн зах зээлийн үйл ажиллагаа гэх мэт адал явдалтай, аз сорьсон зүйлс анхаарлыг тань татах тул болгоомжтой бай. Өөрийнхөө бодолд хэт их итгэлтэй байх хэрэггүй.

ХАМТАТГАХ (5/21-6/21)
Энерги эрч хүч өнөөдөр нэмэгдэж байна. Хэрэгцээтэй зүйлээ хий. Тэгвээс том зүйлийг шийднэ. Амиа хичээх эсвэл шунахай зорилго гаргах хэрэггүй. Та уулыг ч нураахад бэлэн байсан ч өрсөлдөгчтэйгөө бүү тэмцэлд. Хууль сахиулах байгууллага, тусгай алба, эмнэлгийн ажилтнууд ажил дээрээ амжилт гаргах, албан тушаал ахих магадлалтай. Оюутнууд шалгалт өгөх эсвэл амаар ярих нь төсөөлж байснаасаа илүү сайн байна.

МЭЛХИЙ (6/22-7/22)
Өнөөдөр та ямар нэг байдлаар од мэт гялалзаж өөрийнхөө нэр хүнд, байр суурийг бэхжүүлнэ. Олон төрлийн ажил хэрэгт идэвхи зүтгэл гарган оролцох зайлшгүй шаардлага гарах ба энэ нь таныг тэнцвэрт байдлаас гаргах бололтой. Өргөн хүрээлэл бүхий хүмүүстэй уулзах боломжийг шүүрэн ав. Үнэнч итгэлтэй нөхөд болж чадах чадварлаг хувь хүмүүстэй холбоо тогтоо. Од эрхэсийн нөлөөнд шинэ үйл ажиллагаа эхлэхэд нааштай байх хэдий ч ирэх хэдэн өдөр шинээр эхлэх гэж буй үйл ажиллагаагаа хойшлуулсан нь дээр. Хойшлуулсан ажлаа дуусгахад цаг хугацаа шаардагдана.

АРСЛАН (7/23-8/22)
Та аливаа зүйлийг гадаад харагдаж байгаагаар хэрхэвч дүгнэж болохгүй гэдийг ойлгох болно. Сүүлийн үед харилцаа өгсөж уруудаж байсан бол одоо хүндрэлгүй болж, намжина. Од эрхэсийн нам гүм байдлыг давуу тал болгон ашиглан сэтгэл санаагаа тайван байлга. Хичээл зүтгэлийн үндсэн дээр асуудал, бэрхшээлийг шийдвэрлэх тул гэр бүлийн эв нэгдлийг хэвээр хадгал. Хэрэв ингэх боломжгүй бол ядаж та чухал шийдвэр гаргах боломж олж ав.

ОХИН (8/23-9/22)
Харилцаа холбооны сул давуу талуудыг тунгаахад ихээхэн хугацаа зарцуулахыг харуулж байна. Аливаа юмны удаашралт нь санаа зовооно. Хамтрагч юмуу сайн найзуудтайгаа харилцах харилцаанд анхаарлаа хандуулна. Үдээс хойш осолд өртөж гэмтэл бэртэл авах, өвчин хууч хөдлөн хүндрэх магадлал өндөр байна. Анхаарал болгоомжтой байснаар аливаа муу зүйлээс өөрийгөө хамгаална.

ЖИНЛҮҮР (9/23-10/22)
Шинжлэх ухаан, математик, физик сонирхдог бол таныг өнөөдөр мэдлэгээ дээшлүүлэх талаар аз ивээнэ. Од эрхэс жинлүүрийн ордныхныг шинээр танин мэдэх, сайн зорилготой олон нийтийн үйл ажиллагаанд оролцохыг дэмжиж байна. Харин аз сорьсон мөрийтэй тоглоомоор тоглох хэрэггүй. Санамсаргүй учрал таны зүрхийг шархлуулах бололтой. Та болзоонд явах гэж яарах хэрэггүй л болов уу.

ХИЛЭНЦ (10/23-11/21)
Дотоод сэтгэлийн тайван байдалд анхаар. Гадаад ертөнц хэдий таныг стресстүүлсэн ч бай өнөөдөр дотроо аль болох тайван бай. Хайр дурлалын харилцаа үнэ цэнэтэй байна. Өнөөдөр хэн нэгний хийсэн амжилттай үйлдэлд атаархах хэрэггүй. Харин ч өөрийгөө хурцалж хүнд санагдсан зүйлсээ сорьж, юунд хүрэхээ үзээрэй. Бусдын гаргасан сайн жимээр туршлага хуримтлуулах болохоос даган дуурайх хэрэггүй.

НУМ (11/22-12/21)
Өнөөдөр та бусдын дэмжлэгийг маш их авах бөгөөд тэд танд мөнгө болоод сэтгэл зүйн хувьд туслалцаа үзүүлэх болно. Танаас хувийн болоод ажил төрлийн харилцаандаа анхаарал тавихыг шаардах болно. Од эрхэсийн өгөгдлийг өөрийн дотоод авьяас чадвараа нээн илэрхийлэхэд, өөрийн дотор байгаа зүйлээ гадагшлуулахад зориул. Өөрийн үргэлж хүсэж мөрөөддөг ч эр зориг гарган хийж үзээгүй зүйлээ одоо эхлүүл. Хэрэв та дотроо хаа нэг тийшээ очихыг хүсдэг байсан бол тасалбараа захиалаад зардлаа хэмнэж эхлээрэй.

МАТАР (12/22-1/19)
Удирдагч матруудад өнөөдөр багагүй асуудал тулгарна. Та санаандаа нийцээгүй эсвэл тухайн ажил хэрэгт тохирохгүй байгаа ажилчдаа солих, давтан сургалтанд сургах шаардлагатай болно. Шинэ ажил эхлэх, ажлынхаа хүрээллийг өргөжүүлэхэд таатай өдөр. Энэ өдөр таны сэтгэл санаа өндөр байна. Та зарим нэг хуучин зүйлээсээ уйдаж шинэ зүйлийг эрэлхийлж байж болох юм. Маргаанд харилцан буулт хийвэл бүх юм номоороо болно. Хувийн амьдралд тань таагүй байдал илэрч болзошгүй. Зүрх сэтгэлийн асуудалд хэт хөндий хандаж байсан байж магадгүй матрынхан.

ХУМХ (1/20-2/18)
Өнөөдөр хумхын ордныхныг сайн зүйл хүлээж байна. Аз хийморь таны дээр өөрөө унаад ирэх шиг л болно. Гэхдээ өөрийн санаа бодол дээрээ хатуу зогс. Зарим үед хумхын ордны хүмүүс айж сүрдмээр байх хэрэгтэй болно. Харин хэрэгтэй үедээ л таны сэтгэл татам байдалд хүмүүс татагдах болно. Өөрийн байр суурийг зоригтой илэрхийл. Та эерэг хариу авах болно. Оройдоо гэр бүлдээ цаг гаргахын хажуугаар өөртөө ч гэсэн гарга.

ЗАГАС (2/19-3/20)
Та бизнес, ажил мэргэжлийн хүрээнд маш эрч хүчтэй байх бөгөөд олон хүмүүстэй харилцаж, өөрийн санаачилгыг танилцуулж, бизнесийн гэрээгээ дуусгахыг хичээх болно. Цалингаа өсгөх талаар удирдлагатайгаа болгоомжтой ярихгүй бол өөрийгөө асуудалд оруулж мэднэ. Өөртөө итгэлтэй байж, хийж байгаа ажлаа сайтар мэддэг байх хэрэгтэй. Ямар нэг санхүүгийн хэлэлцээ хийхэд тийм ч таатай бус байх бөгөөд таны хэт хурдан яриа хүмүүсийг залхаах болно. Өөрийнхөө яг юу хүсэж байгааг мэдэх хүртэл хүлээж, хүмүүсээр яриулахыг хичээ. Оройны уулзалт таны сэтгэлд нийцэх болно.