Өглөө.мн Шинэ өглөө, Шинэ мэдээлэл
Нобелийн шагналт, Италийн нэрт зохиолч Дарио Фогийн зохиол найруулагч Д.Найдандоржийн найруулсан “Чөлөөт хос” мюзкл инээдмийн жүжгийг Инээдмийн баярын өдөрт зориулан Улсын Драмын Эрдмийн театрын тайзнаа 4 сарын 1-нд 18:00 цагт ганцхан удаа тоглогдох гэж байна.
Жүжигт Антония бүсгүй нөхрийнхөө эх захгүй янаг амрагийн явдлаас залхан амиа хорлохыг завдана. Харин өөрийн чөлөөт амьдралыг илүүд үзсэн нөхөр нь түүнийг элдвээр тайтгаруулж ядаад эцэстээ “чөлөөт хос”-ын амьдралыг санал болгоно. Антония нөхрийнхөө энэ галзуу саналыг сонсоод солиорох дөхөх хэдий ч нөхөр нь засрах битгий хэл нууц амрагуудаа хүртэл түүнтэй танилцуулахыг хүснэ. Сэтгэлийн зовлонд унасан эхнэр энэ бүхнийг хэрхэхээ эс мэдэхдээ хий л шаналж, эр нөхрөөсөө өөр хэн нэгнийг хайрлана гэхэд санаанд нь үл багтавч, ийн доромжлогдон басамжлагдсан нь өөрийгөө өөрчлөгдөх сэтгэлийг төрүүлнэ.
