Өглөө.мн Шинэ өглөө, Шинэ мэдээлэл
Монголын эсрад,поп рок дууны ертөнцөд өөрийн тогтсон хэв маягийг гарган гарч ирж байгаа залуу дуучин Ш.Хүрэлбаатар /ХҮРЭЛЭЭ/ нь анхны бие даасан уран бүтээлийн цомог, тоглолтоо 2017 онд “МИНИЙ ДУРЛАСАН БҮСГҮЙ” нэртэйгээр үзэгч сонсогчдодоо амжилттай толилуулсан билээ.
2018 онд уран бүтээлээ 20-р зууны шүлэг, аялгуу утга төгөлдөр дууны их мастеруудын дуунуудаас сэдэвчлэн сонгож 21-р зууны хүүхэд багачууд, сурагчиддаа хүргэх үүднээс доорх дуунуудыг албан ёсны зөвшөөрөлтэйгөөр шинэчилсэн хөгжмийн найруулга, дуугаралт, өнгө аястай мэргэжлийн өндөр түвшинд бүтээгдэж байгаагаар онцлог бөгөөд тус цомог 10 дуутай “СУРАГЧ НАСНЫ ДУРСАМЖ” нэртэйгээр худалдаанд гарахад бэлэн болоод байна.
Тус цомгийг бүтээснээрээ мартагдах шахсан тэрхүү дуунуудыг ирээдүй хойч үедээ сурталчлан таниулах, зааж сурган хүмүүжүүлэн урлаг соёлын боловсрол олгоход гол зорилго оршино. Мөн 2018 онд төгсөж буй нийт төгсөгчиддөө зориулж “СУРАГЧ НАСНЫ ДУРСАМЖ” богино хэмжээний кино концерт бүтээхээр зураг авалтандаа орсон гэнэ.
