Өглөө.мн Шинэ өглөө, Шинэ мэдээлэл
Номин талст хамтлагийн дуучин МУСТА Т. Дөлгөрмөрөн тэртээх 1968 онд сонсогчдын хүртээл болгосон Монгол Улсын Гавьяат жүжигчин Д. Өлзий-Оршихийн “Учрах золгохын ерөөл” дууг шинэчлэн дуулж, клипжүүлжээ.
Тэрбээр энэ тухайгаа цахим хуудаснаа”Амьдралын алтан босгыг арван хавраар угтаж үдсэн үе үеийн нийт төгсөгчид анги хамт олонд учран золгохын ерөөл дэвшүүлье.1968 оноос дуулагдаж ирсэн эл сайхан дууг зохиосон уран бүтээлчид тэр дундаа дуучин. Өлзий-Орших ахдаа энэ дууг дуулах эрхийг өвлүүлсэнд талархъя.
Намайг дэмжиж ажилласан нийслэлийн тэргүүний 84р сургууль, Март багштай хамт олон болон СУИС-ийн жүжигчний ангийн шинэ давлагаанууддаа баярлалаа.Энэ дууг дахин амьдруулахад гар бие оролцсон нийт баг хамт олон уран бүтээлчиддээ баярлалаа. ” хэмээн бичжээ.
Учран золгохын ерөөл дууны үг
Ардын сургуулийн алтан босгыг
Алхаж орсон анхны өдрөөс
Арвин эрдмийг шимтэн хүртсээр
Арван жилийг ардаа орхилоо
Хүслийн жигүүр ургуулж өгсөн
Хүрэх ирээдүйг угтуулж заасан
Арван жилийн сургуулиа дурсаж
Ачит багш нараа санаж явна
Хэдхэн чихрээ таллан хувааж
Хэцүү хичээлээ хамтран давтаж
Сурагчийн хувцсаар ижилдэн гоёсон
Сургуулийн жилүүдэд дэндүү дасчээ
Зузаан дэвтэрт үлдээж өгсөн
Зураг дурсгал чинь дурайж байна
Зуурдын биш ээ үүрдийн сэтгэлээр
Зуу насласан ч хадгалж явна
Ажил эрдмийн замыг дагаад
Арван зүгтээ замнан одоод
Уудам нутагтаа таран суусан ч
Учран золгохын ерөөл байна
Уудам нутагтаа таран суусан ч
Учран золгохын ерөөл байна
