“Нинжин сэтгэл” уран сайхны кино өнөөдөр нээлтээ хийнэ

“Хас фильм” студи, “Blue Dragon” ХХК-ийн хамтын бүтээл “Нинжин сэтгэл” уран сайхны кино өнөөдөр  Өргөө лазер синемад нээлтээ хийнэ.

Тус уран бүтээлийн зохиолч, ерөнхий найруулагчаар Ц.Хүсэлбаатар, гол дүрүүдэд жүжигчин СТА С.Өлзийхүү, Г.Отгонцэцэг, СТА Б.Одончимэг, туслах дүрүүдэд жүжигчин МУГЖ Ц.Төмөрхуяг, МУГЖ Г.Золбоот, залуу жүжигчин П.Шүүдэрцэцэг, Х.Баярмаа, Г.Ганбат нар тоглосон байна.

Найруулагч Ц.Хүсэлбаатар өмнө нь “Аюултай харилцаа”, “Галзуу зугаалга”, “Ядуугийн зовлон-2”, зэрэг уран бүтээлүүдээрээ үзэгчдээс өндөр үнэлгээ авч байсан юм.

Нийгмийн амьдрал, хүмүүс хоорондын харилцаа, нинжин сэтгэлийн тухай өгүүлэх “Нинжин сэтгэл” уран сайхны кино нь үзэгчдийн дунд ихээхэн хүлээлт үүсгээд байгаа. Тэгвэл хэр сайн бүтээл болсныг үзэгч таны мэргэн ухаан шүүх л үлдлээ.

Дашрамд дуулгахад, “Нинжин сэтгэл” уран сайхны киноны хамт олон “Сэтгэлийн үг” ил захидлын уралдаан зарласан байгаа аж. Тус уралдаан нь хэн нэгэнд чин сэтгэлийн үгээ хэлэхийг хүссэн хүн бүрийн өмнө нээлттэй бөгөөд шилдэг бүтээл “Iphone 6 plus” гар утасны эзэн болох юм байна.