Өглөө.мн Шинэ өглөө, Шинэ мэдээлэл
“Харанга” хамтлагийн гитарчин, дуучин, Монгол Улсын урлагийн гавьяат зүтгэлтэн Ц.Чулуунбат “Эр хүн” дууны клип энэ сарын 3-ны өдөр сонсогчдын хүртээл болголоо.Тус дууны үгийг яруу найрагч Л.Мөнхжаргал, аяыг Ц.Чулуунбат өөрөө зохиосон байна.
Амьдралын эрээн бараанд ноён нуруу хугаралгүй, нэг л зангаар туучиж яваа эр хүний тухай өгүүлэх энэхүү дууны клипийн зураг авалтыг Хар зүрхний хөх нуурт авчээ. Өнгөрсөн зун “Харанга” хамтлагийнхан Өмнөговь аймгийн Ханбогд суманд орших Оюутолгой компанид тоглолт хийх үеэрээ Ц.Чулуунбат “Амьдралын бэлэг” цомогт багтсан энэхүү дуугаа клипжүүлэх санаа төрж, G-Entertainment-ийн хамт олон дүрсжүүлжээ.
