Цалин тэтгэвэрийг нэмэхдээ өмнөх шигээ хавтгайруулж шоудахгүй

Улсын их хурлын намрын чуулганаар ирэх оны төсвийн төсөлд төрийн албан хаагчдын цалин, тэтгэврийг нэмэгдүүлэхэд 200 гаруй тэрбум төгрөг тусгасан байна.

Үүнийг өөрчлөхгүйгээр баталбал, ирэх онд иргэдийн цалин тэтгэврийг дээрх хэмжээгээр нэмэгдүүлэх боломжтой юм байна.

Гэхдээ цалин тэтгэврийг нэмэгдүүлэхдээ урьд өмнөх шиг нийтээр нь хавтгайруулж, шоудах байдлаар хийхгүй гэдгийг Сангийн сайд Ч.Улаан мэдэгдсэн юм. Тодруулбал, ирэх онд цалин тэтгэврийг нэмэгдүүлэхдээ иргэдийн хөдөлмөрийн бүтээмж, ажил мэргэжлийн салбарын онцлог, инфляцийн төвшинтэй уялдуулж нэмэх юм байна.