“Miss World 2018” тэмцээнд оролцож буй Э.Энхриймаагийн видео танилцуулга цацагдлаа

БНХАУ-ын Саньяа хотод 68 дахь удаагийн дэлхийн гоо бүсгүйг шалгаруулах “Miss World 2018” тэмцээн болж байна. 120 орны гоо бүсгүйчүүд оролцож буй тус тэмцээнд Монгол Улсаа төлөөлөн оролцож буй Э.Энхриймаагийн “Miss World-2018” тэмцээнд зориулагдсан албан ёсны видео танилцуулга цацагдсаныг хүргэж байна.

Эрт-эдүгээ-ирээдүй гурван цагийн холбоосгүй хөгжил дэвшил гэж байдаггүйчлэн өнөөгийн Монголын хөгжил цэцэглэлт өвөг дээдсийн маань үлдээсэн өв соёлтой хүйн холбоотой. Монголын их хаадын байгуулсан төр улс, монголчуудын бүтээсэн түүх соёл тив, дэлхийд нэр алдраа дуурсгаж, Эзэн Чингисийн энхийн элч буюу амбан сайдын нандигнан авч явсан алтан гэрэгэнээс үүдэлтэй өнөөгийн паспорт нь үндэс угсаа, шашин шүтлэг, үзэл бодлоор үл гадуурхах монголчуудын хүнлэг сайхан сэтгэл, хүлээцтэй уужуу зангийн илэрхийлэл, хүн төрөлхтөн эв найртай хамтран амьдрахын бэлгэдэл болж буйг энэхүү дүрс бичлэгээр илэрхийлэхийг зорьжээ.

 

Тэрбээр “Дэлхийн мисс-2018” тэмцээнд “Сайн ээж – сайхан дэлхий” уриалгыг дэвшүүлж оролцох юм.
“Сайн ээж – сайхан дэлхий” уриалгадаа зориулж монгол ээжүүдийн үр хүүхдээ сурган хүмүүжүүлж ирсэн шилдэг зөвлөгөөнөөс бүрдсэн “Хатан ухаант ээжүүдийн сургааль” цуврал номыг санаачлан хэвлүүлэн, олон нийтэд үнэгүй тараасан байна.

“Miss World 2018” тэмцээний финалын шатны шалгаруулалт 12 дугаар сарын 8-ны өдөр БНХАУ-ын Саньяа хотноо зохион байгуулагдана.