Өглөө.мн Шинэ өглөө, Шинэ мэдээлэл
“Asian judo open Hong Kong -2018” жүдо бөхийн дэлхийн чансаа олгох тэмцээн энэ сарын 1-2-ны өдрүүдэд Хонконг хотноо боллоо.
Эмэгтэйчүүдийн 52 кг-д “Буэнос Айрос-2018” залуучуудын олимпийн мөнгөн медальт Л.Сосорбарам аваргын алтан мeдаль хүртлээ.
Түүнтэй аваргын төлөө ОУХМ Бишрэлтийн Хорлоодой өрсөлдөж мөнгөн мeдалийн эзэн болжээ. Мөн 66 кг-д Даваадоржийн Төмөрхүлэг, 73 кг-д Наранхүүгийн Хадбаатар нар хүрэл медаль хүртлээ. Тус тэмцээний сүүлийн өдөр + 100 кг-д барилдсан Баттулгын Тэмүүлэн мөнгөн медаль хүртсэн бол Найдангийн Түвшинбаяр, Одхүүгийн Цэцэнцэнгэл нар хүрэл медаль хүртжээ. Мөн 90 кг-д барилдсан Бандихүүгийн Бат-Эрдэнэ мөнгөн медалийн эзэн болов.
