“Бөртэ чоно-2018” санал хураалт эхэллээ

Монголын үндэсний олимпийн хороо /МҮОХ/-ны тэргүүн дээд шагнал гардуулах ёслолын ажиллагаа арванхоёрдугаар сарын 21-нд Соёлын төв өргөөнд болно. Монголын спортын салбарын шилдгүүдийг тодруулах энэхүү шагнал гардуулах ёслолын “Оны шилдэг тамирчин”, “Спорт тоглоомын баг”-ийг Монголын спортын сэтгүүлчдийн холбооны гишүүн, спортын сэтгүүлчдийн саналаар тодруулдаг уламжлалтай.

Спортын шилдэг баг, тамирчдыг тодруулах санал асуулга өчигдөр /2018.12.16/ 22.00 цагаас эхлэн нээгдсэнийг Монголын спортын сэтгүүлчдийн холбоо зарлалаа.Санал асуулгын шугам арванхоёрдугаар сарын 20-ны 23.59 цагт хаагдана.