Барак Обама хүүхдийн эмнэлгүүдээр зочилж, бэлэг тараав

АНУ-ын Ерөнхийлөгч асан Барак Обама зул сарын баярыг тохиолдуулан лхагва гаригт /2018.12.19/ Вашингтон дахь хүүхдийн эмнэлгүүдээр явж, хүүхдүүдэд бэлэг тараалаа. Обама Сантагийн малгай өмсөж, “Хо хо хо, Зул сарын мэнд хүргэе” хэмээн хүүхдийн тасгуудаар гэнэт л ороод ирсэн байна. Мөн тэрээр “Миний цаа буганууд цасанд гацсан. Гэхдээ л би та бүгдийг зорьж ирлээ. Бүх хүүхдүүдтэй, хүмүүстэй уулзах хүсэлтэй байна” гэж хошигносон байна.

Барак Обама баярласан хүүхдүүд “Зул сарын дуу”-г дуулж баярласнаа илэрхийлсэн байна. Өмнө нь Мишель Обама хүүхдийн эмнэлгүүдээр явж хүүхдүүдэд бэлэг тараадаг байсан бөгөөд энэ удаа Барак Обама тэрхүү уламжлалыг үргэлжлүүлж, өөрийн биеэр бэлэг тараажээ.