Их дуулга: Д.Сумъяа хүрэл медаль хүртлээ

Олон улсын жүдо бөхийн холбоо буюу IJF-ээс зохион байгуулж буй “Их дуулга” тэмцээн Германы Дюсселдорф хотод болж байна.

Тэмцээний эхний өдөр буюу өчигдөр эрэгтэйчүүдийн 60, 66 кг, эмэгтэйчүүдийн 48, 52, 57 кг-ын жингийн барилдаанууд болж, медальтнууд тодорлоо.

Эрчүүдээс Ё.Басхүү /66 кг/ хүрэл медаль хүртэж медалийн тавцанд зогссон бол эмэгтэйчүүдээс Л.Сосорбарам  мөнгө, Хөдөлмөрийн баатар, Гавьяат тамирчин Д.Сумъяа хүрэл медаль хүртлээ.

57 кг-ын жинд барилдсан Д.Сумъяа Австри, БНХАУ, Францын бөхчүүдийг ялсан ч хагас шигшээд Бразилын Рафаэль Силвад ялагдлаа. Тэрбээр хүрэл медалийн төлөөх барилдаанд Польшийн бөх Анна Боровшкаг ялж, медалийн тавцанд зогслоо.