Өглөө.мн Шинэ өглөө, Шинэ мэдээлэл
“Зэрлэг цэцэгсийн хүлэмж”, “Зүрхээр наадагч”,“Тооцоогүй тоглоом” “Атганд үлдсэн эрдэнэ” “Миний нууц”киногоороо үзэгчдийг байлдан дагуулсан “Хувьсал” продакшны дэлгэцийн зургаа дахь уран бүтээл “Тэнгэрээс буусан од” кино өнөөдөр Зайсан Хилл цогцолборын Prime Cineplex кино театрт нээлтээ хийнэ.
“Тэнгэрээс буусан од” киноны зохиолыг “Хувьсал” продакшны жүжигчин Г.Бямбасүрэн бичиж, ерөнхий найруулагчаар нь МУГЖ У.Уранчимэг, продюсероор Г.Цоггэрэл нар ажиллажээ.
Киноны гол дүрд жүжигчин О.Дөлгөөн,О.Мөнхдалай, МУГЖ У. Уранчимэг, Стив Морел, туслах дүрүүдэд Э.Батнямбуу,МУГЖ С.Лхагвасүрэн, Ц.Төмөрбаатар нар тоглосон юм.
Зураг авалтыг Г.Гүенбаатар зураглаачтай “Red Point media” студийн баг хийж гүйцэтгэжээ. Зураг авалтын ажлын хэсэг үндсэн 50 хүний бүрэлдэхүүнтэй ажиллаж, нийт 200 гаруй уран бүтээлч тус кинонд оролцсон байна.
Тэгвэл “Тэнгэрээс буусан од” киноны дууны үгийг МУСГЗ Ш.Гүрбазар, аяыг МУУГЗ Л.Балхжав зохиож, дууг МУГЖ Г.Ариунбаатар, МУСТА Д.Отгонжаргал нар хамтран дуулжээ.
