Ховдын засаг дарга хоёр орлогчтой болжээ

Удаан хугацаанд яригдсан Ховд аймгийн Засаг даргын орлогч өнгөрсөн баасан гарагт ажлаа хүлээн авчээ. Энэ асуудлыг аймгийн ИТХ-ын Тэргүүлэгчдийн хурлаар оруулж, батлуулсан байна.

Аймгийн Нийгмийн бодлогын асуудал хариуцсан орлогчоор Дуут сумын харьяат, аймгийн ИТХ-ын төлөөлөгч Чимэдийн Чинбатыг томилох аймгийн Засаг даргын захирамж гаргажээ.

Тэргүүлэгчдийн хурлын шийдвэр, аймгийн Засаг даргын захирамжийн дагуу Ховд аймаг Үйлдвэрлэл, хөдөө аж ахуй, дэд бүтцийн асуудал хариуцсан орлогч М.Амарсанаа, нийгмийн бодлогын асуудал хариуцсан орлогч Ч.Чинбат гэсэн 2 Засаг даргын орлогчтой болж байгаа юм байна.

М.Марал

Эх сурвалж: Мэдээ.мн