“Саппорогийн Цасны Баяр”-т оролцcон Ц.Энгүүний нэвтрүүлэг үзэгчдийн хүртээл болно

“Монгол Контент” ХХК-ийн уран бүтээлч, “Voice of Mongolia” шоуны ялагч дуучин Ц.Энгүүн Япон улсын Саппорогийн Цасны Баярт оролцоод ирсэн билээ.

Уг үйл ажиллагааг Японы “Призм” групп, Монгол талаас “Монгол Контент” ХХК, “Хүрээ энтертайнмэнт” ХХК хамтран амжилттай зохион байгуулсан бөгөөд энэ нь хоёр улсын энтертайнмент салбарын хөгжилд үнэтэй хувь нэмэр болсон юм.

Дуучин маань цасны баярт оролцох үеэрээ  Японы хэвлэл мэдээллийн зарим байгууллага болох “Майничи”, “Асахи”, “Хоккайдо” зэрэг өдөр тутмын сонины редакци болон фм-д уригдан ярилцлага өгч, НТВ телевизийн бичлэгт орсон билээ.

Дуучин Ц.Энгүүн дэлхийд дээгүүрт тооцогддог Саппорогийн цасны баярын тайзнаа гурван өдрийн турш ая дуугаа өргөсөн. Энэ үеэр өрнөсөн тайзны арын үйл явдал, түүний сэтгэгдэл, хоёр улсын мэргэжлийн байгууллагуудын хамтын ажиллагаа зэрэг бүхий л үйл явдлыг тоймлосон “САППОРО ЦАСНЫ БАЯРТ Ц.ЭНГҮҮН” нэвтрүүлгийг өнөөдөр буюу 4-р сарын 1-ний Даваа гарагийн 21:20 цагт МОНГОЛ HD ТВ болон GOGO.MN сайтаар тус тус хүлээн авч үзээрэй.