Өглөө.мн Шинэ өглөө, Шинэ мэдээлэл
Монгол Улсын гавьяат жүжигчин, Зууны манлай дуучин, поп хатагтай Б.Сарантуяагийн төрсөн өдөр дөрөвдүгээр сарын 20-нд тохиодог. Тэрбээр жил бүрийн төрсөн өдрөө фэнүүдийнхээ хамт тэмдэглэдэг уламжлалтай.
Энэ жил төрсөн өдрөөрөө “Амьдрал” тоглолт хийхээр тоглолтын товоо зарлаад байна. Түүний төрсөн өдрийн тоглолт энэ сарын 20-нд “Corporate Convention Centre”-т 17.00 цагт болох юм.
Төрсөн өдрийн тоглолтод “Харанга” хамтлагийн дуучин, Монгол Улсын гавьяат жүжигчин Х.Лхагвасүрэн, дуучин С.Сэрчмаа, Б.Чойжилсүрэн буюу Чойжоо болон “Рэндом” хамтлаг, Морин хуурын чуулга урилгаар оролцож, ая дуугаа өргөхөөр болжээ.
Тэрбээр өнгөрсөн оны дөрөвдүгээр сард 1995 оны 4 сард Улсын Дуурь Бүжгийн Эрдмийн Театрт анх тавигдаж байсан “Инээмтгий хүн” театрчилсан тоглолтоо 23 жилийн дараа дахин сэргээж, төрсөн өдрөө үзэгчдийнхээ хамт тэмдэглэсэн юм.
