Өглөө.мн Шинэ өглөө, Шинэ мэдээлэл
Гадаад харилцааны сайд Д.Цогтбаатар хүннү рок хэв маягаар тоглодог “The Hu” хамтлагийн уран бүтээлчдийг хүлээн авч уулзав.
Уулзалтын эхэнд Гадаад харилцааны сайд хэлэхдээ “Рок хөгжмөөр дамжуулан эх орноо дэлхийд сурталчилж, Youtube-д 12 сая гаруй хандалт авна гэдэг бол бахархмаар хэрэг. Үндэсний урлагаа рок хөгжимтэй хослуулж, хөгжмийн зэмсэг, хувцас, гутал зэргээ маш сайхан өвөрмөц хийсэн нь хүн бүгдийн сонирхлыг татаж байна” хэмээн онцоллоо. Мөн Гадаад харилцааны яам “The Hu” хамтлагийг бүх талаар дэмжин ажиллахаа илэрхийлээд уран бүтээлийн амжилт хүслээ.
