Мэс заслын өрөөг камержуулна

Эрүүл мэндийн салбарт гараад байгаа олон асуудлаас үүдэн төрийн өмчийн бүх шатны эмнэлгийн Мэс заслын өрөөг камертай болгох санаачилгыг Эрүүл мэндийн яамнаас гаргасан байна.

Учир нь мэс засал болоод төрөхийн хүндрэлийн үед гарсан осол эндэгдэл болоход хэнийх нь буруу гэдгийг шүүж хэлцэх маш хэцүү байдаг билээ. Иймд мэс заслын өрөөг камержуулсанаар мэс заслын явцад хүндрэл гарвал бичлэгийг эргүүлэн үзэж, хаана алдаа гарсныг хянах боломж бүрдэх юм. Энэхүү жишгээр гадаадын ихэнх  эмнэлгүүд ажилладаг бөгөөд “Камержуулах ажлыг ойрын хугацаанд эхлээд  туршилтын журмаар хэрэгжүүлж үзэх юм байна.