“Дэлхийн тулааны урлагийн II их наадам”-аас эмэгтэй жүдочид хүрэл медаль хүртлээ

ОХУ-ын Санкт-Петербург хотноо өнгөрсөн баасан гаригт эхэлсэн  Дэлхийн тулааны урлагийн хоёрдугаар их наадмын  эмэгтэйчүүдийн жүдо бөхийн төрөлд манай эмэгтэй тамирчид багаараа хүрэл медаль хүртсэн байна.

Уг тэмцээний Жудогийн төрөлд  Японы баг түрүүлж, Бразил удаалсан бол Кубын бөхчүүд мөн хүрэл медалийн эзэн болжээ. Тэмцээн энэ сарын 26 хүртэл үргэлжлэх бөгөөд цаашдаа олон төрлөөр баг тамирчид маань өрсөлдөнө.

Энэ удаагийн тэмцээнд манай улсын эмэгтэй багийг МУГТ  Х.Эрдэнэт-Од удирдан оролцож байгаа юм. Баг тамирчиддаа нийт Монголчуудынхаа өмнөөс амжилт хүсье!