У.Мөнх-Эрдэнэ дэлхийн аваргын хүрэл медалийн төлөө тоглох эрхтэй боллоо

Казахстаны Алмата хотноо үргэлжилж буй Сонирхогчдын боксын дэлхийн аварга шалгаруулах тэмцээний 64 кг-ын жинд Монголын боксын шигшээ багийн тамирчин У.Мөнх-Эрдэнэ хүрэл медалийн төлөө тоглох эрхтэй болжээ.

Тодруулбал, тэрээр өчигдөр дэлхийн аваргын рингэнд ээлжит тулаанаа хийж, Болгарын тамирчин Айрин Сметовыг 3:0 (30-27; 30-27; 30-27) харьцаатай буулган авснаар шөвгийн наймд шалгарч, хүрэл медалийн төлөө тоглох эрхтэй болсон юм.

Гавьяат тамирчин У.Мөнх-Эрдэнэ лхагва гаригт буюу маргааш орой дэлхийн аваргын хүрэл медалийн төлөө Узбекистаны Санжарбек Рахмановтой тулалдана.

Эргэн сануулахад, У.Мөнх-Эрдэнийг Алмата хотыг зорих Долоон тамирчны бүрэлдэхүүнээс хасах гэж байсан бол одоо тэрээр эх орондоо медаль авчирах цорын ганц найдварын эзэн болоод байна.