Хөвсгөлд нохой журамлан, саатуулах байр ашиглалтанд оржээ

Дан ганц нийслэл хот төдийгүй, хөдөө орон нутагт ч золбин ноходын асуудал толгойны өвчин болоод байгаа билээ.

Тэгвэл Хөвсгөл аймгийн төв Мөрөн хотод анх удаа нохой журамлан, саатуулах байр гээчийг ашиглалтанд оруулаад байгаа аж. Энэ нь золбин нохой устгах үеэр эзэнтэй нохойг андуурч устгах, хүн урж гэмтээхээс сэргийлэх, иргэдийг нохойгоо хашаанаасаа  гаргадаггүй болгох зорилготой ажил юм байна.

Тус байрны ажилчид гудамж талбайд хэсч яваа нохдыг барьж түр саатуулах бөгөөд харгалзах эзэнгүй золбин нохой гэдэг нь тогтоогдвол устгалд оруулах гэнэ.