Үс шинээр үргээлгэх буюу засуулахад өнгө зүс доройтно

Өнөөдөр аргын тооллын 2019 оны наймдугаар сарын 17. Бямба гараг. Билгийн тооллын XVII жарны “Урвуулагч” хэмээх шороон гахай жилийн Намрын тэргүүн хар бич сарын 17. Санчир гараг. Шувуун хушуут одтой, зургаан цагаан мэнгэтэй  улаан нохой өдөр.

Барилдлага: Түлэх
Шүтэн барилдлага: Сэрэхүй
Суудал: Төмөр

Өдрийн наран 5 цаг 50 минутад мандан, 20 цаг 02 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хулгай дээрмийг номхотгох, угаал үйлдэх, хүүхэд үрчлэн авах, тангарагаа буцаахад сайн. Нүүдэл суудал хийх, хэрүүл тэмцэл хийх, хүүхэд хөлд оруулахад муу.

Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд өнгө зүс доройтно хэмээжээ.