Монголын баг Токиогийн олимпод “Michel & Amazonka” брендийн хувцас өмсөнө

Токио 2020 зуны олимпын наадамд оролцох Монголын үндэсний шигшээ багийн тамирчдын спортын хувцасны загварт Michel&Amazonka брэнд түрүүлжээ. Тамирчдын спортын нийт 13 төрлийн хувцас байгаа бөгөөд тэдний 8-ыг нь Michel&Amazonka, 5-ыг Японы алдарт Мизүно брэндээр хийлгэхээр болжээ.
Харин тамирчдын нээлтийн ёслолын үйл ажиллагаанд өмсөх хувцасны дүн хараахан гараагүй байна. Michel&Amazonka нь 2013 оноос үйл ажиллагаагаа явуулж байгаа Монголын хувцас загварын брэнд компани юм.

Эгч дүү дизайнер болох Чойгаалаагийн Янжиндулам (Michel) болон Нямханд (Amazonka) нар “Michel&Amazonka” брэндийг 2013 онд үүсгэн байгуулсан. Тус брэнд уламжлалт хэв маягийг агуулсан европ загварын хувцаснуудыг “Haute couture” болон “Prиt-a-Porter” төрлөөр Монголдоо зохион бүтээж үйлдвэрлэдгээрээ онцлогтой.