Д.Цэрэндорж тулааны спортын наадмаас хүрэл медаль хүртжээ

ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны Эргүүл хамгаалалтын газрын хяналт шалгалтын офицер, ахлах дэслэгч Д.Цэрэндорж, мөн газрын эргүүл хамгаалалтын цагдаа, ахлах ахлагч Ц.Одбаяр нар БНСУ-ын Чёнжү хотод зохион байгуулагдаж буй дэлхийн тулааны спортын наадмын гардан тулааны төрөлд оролцжээ.

Улмаар Д.Цэрэндорж -75 кг жинд гуравдугаар байрт шалгарч хүрэл медаль хүртсэн байна. Харин Ц.Одбаяр тавдугаар байрт шалгарчээ. Тус тэмцээнд дэлхийн 106 орны тамирчид тулааны 22 төрлөөр өрсөлдөж шилдгүүдээ тодруулсан аж.