Б.Болортуяа ДАШТ-ээс хүрэл медаль хүртлээ

Казахстаны нийслэл Нур-Султан хотод бөхийн төрлийн ДАШТ-ий эмэгтэй чөлөөт бөхийн тэмцээн энэ сарын 17-ны өдөр /2019.09.17/ эхэлсэн. Эмэгтэйчүүдийн 50, 53 кг-ын олимпын жин, 55, 72 кг-ын олимпын бус жингийн барилдаанд манай дөрвөн бөх барилдсанаас эмэгтэйчүүдийн 55 кг-ын жингийн Б.Болортуяа дагах барилдаанд үлдсэн.

Б.Болортуяа эхний тойрогт Энэтхэгийн Лалитаг 10-3 ялаад шилдэг 16-д Пан Америкийн АШТ-ий хүрэл медальт Америкийн Винчестерт ялагдсан билээ. Дагах барилдаанд Кыргызстаны Мадина Надироваг  эхний үед 10-0 оноогоор цэвэр ялсан.

Б.Болортуяа хүрэл медалийн төлөө Туркийн Бедиха Гунтэй  барилдаж, 12:9 харьцаагаар ялж, ДАШТ-ий хүрэл медаль хүртлээ.