![](https://www.ugluu.mn/wp-content/uploads/2019/10/71643467_2761865260499467_778522552510185472_n-600x400.jpg)
МҮОХ-ны Гүйцэтгэх зөвлөлийн хурал өнөөдөр /2019.10.03/ хуралдаж, МҮОХ-ны Ерөнхийлөгч Д.Загдсүрэнг тус албан тушаалаас нь чөлөөллөө. Тэрээр өөрийн эрүүл мэндийн байдлаас шалтгаалан ажлаас чөлөөлөгдөх хүсэлтээ Зөвлөлд хүргүүлсэн байна.
Мөн дараагийн Ерөнхийлөгчийг сонгох хүртэл түүний оронд МҮОХ-ны тэргүүн дэд ерөнхийлөгч Б.Баттүшигт үүрэгт ажлыг нь түр хариуцуулахаар шийдвэрлэжээ.
МҮОХ-ны дараагийн ерөнхийлөгчийг сонгох сонгууль явуулахтай холбогдуулан ээлжит бус гишүүдийн хурлыг зарлан хуралдуулах асуудлыг ойрын үед Гүйцэтгэх зөвлөлийн хурлаар дахин хэлэлцэж шийдвэрлэхээр болсон байна.
![](https://www.ugluu.mn/wp-content/uploads/2019/10/72274605_2761865947166065_8737495761186455552_n-600x400.jpg)