Үс шинээр үргээлгэх буюу засуулбал өнгө зүс сайжирна

Өнөөдөр аргын тооллын 2019 оны аравдугаар сарын 4. Баасан гараг. Билгийн тооллын XVII жарны “Урвуулагч” хэмээх шороон гахай жилийн Намрын дунд харагчин тахиа сарын 6. Сугар гараг. Эрхтэний тэнгэрт одтой, гурван хөх мэнгэтэй хөх нохой өдөр.

Барилдлага: Шид
Шүтэн барилдлага: Хуран үйлдэхүй
Суудал: Төмөр

Өдрийн наран 6 цаг 53 минутад мандан, 18 цаг 26 минутад жаргана. Тухайн өдөр морь жилтнээ аливаа  үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа  хийх, бизнэс эхлэх, зэрэг дэвших, лус тахих, хүүхэд үрчлэн авах, тангарагаа  буцаахад  сайн.

Нүүдэл суудал хийх, хэрүүл тэмцэл хийх, цөөрөм байгуулах, хүүхэд хөлд оруулахад  муу. Өдрийн сайн цаг нь бар, луу, могой, бич, тахиа, гахай болой. Хол газар яваар  одогсод баруун урагш мөрөө  гаргавал  зохистой. Үс шинээр үргээлгэх буюу засуулбал өнгө зүс сайжирна хэмээжээ.