Манай улсын хүндийг өргөлтийн шигшээ багийн ганц тамирчин болох Н.Баярмаа “Хүндийг өргөлтийн насанд хүрэгчдийн ДАШТ”-д оролцож, есдүгээр байр эзэлжээ.
Тэрээр тэмцээний 63 кг жинд 220 кг (99-121)-ыг өргөсөн үзүүлэлтээр 21 тамирчнаас есдүгээр байрт жагссан байна. Хэдий тэрээр насны хувьд жингийнхээ хамгийн ахмад нь байсан боловч эхний аравт багтаж чадсан нь том амжилт юм.
Сонирхуулахад, ДАШТ-д 59 улсын 317 тамирчин эмэгтэйчүүдийн долоо, эрэгтэйчүүдийн найман жинд хүч сорьсон бөгөөд эмэгтэйчүүдийн +75 кг-д ОХУ-ын тамирчин Татьяна Каширина огцмоор 190 кг-ыг өргөж дэлхийн дээд амжилтыг шинэчилжээ.