Өглөө.мн Шинэ өглөө, Шинэ мэдээлэл
Монгол Улсын Их хурлын нэгдсэн чуулганы хуралдаанаар Монголбанкны Тэргүүн Дэд Ерөнхийлөгчийг чөлөөлөх, шинээр томилох, Дэд Ерөнхийлөгчийг томилох асуудлыг хэлэлцэн шийдвэрлэлээ. Хуралдаанаас гаргасан УИХ-ын тогтоолоор Монголбанкны Тэргүүн Дэд Ерөнхийлөгч О. Эрдэмбилэгийг үүрэгт ажлаас нь чөлөөлж, Г. Дөлгөөнийг Монголбанкны Тэргүүн Дэд Ерөнхийлөгчөөр томиллоо.
Мөн Монголбанкны Дэд Ерөнхийлөгчийг 2019.11.22-ны өдөр Монголбанкны Ерөнхийлөгчид дэвшүүлэн томилсонтой холбогдуулж Монголбанкны Дэд Ерөнхийлөгчийн албан тушаалд Г. Энхтайваныг томилов.
ГАНБЯМБЫН ДӨЛГӨӨН
Ажлын туршлага:
- 2020 онд Монголбанкны Тэргүүн Дэд Ерөнхийлөгч
- 2018-2020 онд Төрийн банкны гүйцэтгэх захирал
- 2016-2018 онд Монгол Улсын Хөгжлийн банк- Дэд захирал бөгөөд ЭҮУГ-ын захирал
- 2015-2016 онд Монгол банкны Хянан шалгалтын газар- Ахлах хянан шалгагч
- 2014-2015 онд Люксенбургийн “Шродёрс” хөрөнгө оруулалтын сан – Шинжээч
- 2010-2013 онд Монгол банкны Хянан шалгалтын газар- Хянан шалгагч
- 2008-2010 онд Монгол банкны Бүртгэл хэлтэс- Нягтлан бодогч
Боловсрол, мэргэжил:
- 2004-2008 онд Люхенбүргийн их сургууль – ОУ эдийн засагч бакалавр
- 2004-2008 онд МУИС-ОУХС – ОУ-ын эдийн засагч бакалавр
ГАНБОЛДЫН ЭНХТАЙВАН
Ажлын туршлага:
- 2020 онд Монголбанкны Дэд Ерөнхийлөгч
- 2018-2020 онд Монголын үндэсний давхар даатгалын корпораци- Гүйцэтгэх захирал
- 2015- 2018 онд Хөдөө аж ахуйн давхар даатгалын корпораци- Гүйцэтгэх захирал
- 2013- 2015 онд Лондон дахь Bank of America Merrill Lynch, Глобал комплаенсийн хэлтэс- Шинжээч
- 2011- 2012 онд Монгол Улсын Гадаад Харилцааны Яам- Сайдын гүйцэтгэх туслах, Эдийн засгийн хамтын ажиллагаа, гадаад худалдааны хэлтсийн атташе
- 2007- 2011 онд Монгол Улсын Санхүүгийн Зохицуулах Хороо – Даатгалын хэлтсийн хяналтын ажилтан, Олон улсын хамтын ажиллагааны газрын ахлах ажилтан
Бололвсрол, мэргэжил:
- 2019 онд Лондонгийн эдийн засаг, улс төрийн шинжлэх ухааны сургууль-Хуулийн магистр
- 2013 онд Сент-Эндрюсийн их сургууль- Олон улсын бизнесийн магистр
- 2007 онд Литл Рок дахь Арканзагийн их сургууль-Бизнесийн удирдлагын бакалавр
Эх сурвалж: Монгол банк
