Дүрслэх урлагийн сургуулийн хичээлийн байрны эскиз зургийн уралдаан зарлалаа

Эрхэм хүндэт барилгын зураг төсөл зохиогчид, архитектор, дизайнер, иргэд Та бүгдийг Соёл, Урлагийн Их Сургуулийн Дүрслэх урлагийн сургуулийн хичээл сургалтанд зориулсан хичээлийн байрны барилгын эскиз зургийн уралдаанд оролцохыг урья.

Барилгын ерөнхий мэдээлэл, тавигдах шаардлага: Тус барилга нь СБД-ийн нутаг дэвсгэрт байрлах нэг давхар 838 м2 /63,7м*13м/ барилгын суурин дээр \ Манай зураач урчуудын мэддэгээр дүрслэхийн 2- р байрны \ баригдах бөгөөд хичээлийн анги танхим,

1. Монгол зураг 2. Уран зураг 3. Зураасан зураг 4.Уран баримал 5. Вааран урлал 6. Уран дархан 7. Арьсан урлал 8. Чимэглэх урлаг 9. Монументаль уран зураг 10. Уран сийлбэр 11. Хувцасны дизайн 12. Тайз дэлгэцийн бүтээлийн зураач 13.Урлагийн бүтээл сэргээн засварлалт 14. график дизайн 15. Театрын хувцасны зураач 16. Торгон зураг зэрэг урлангуудаас гадна хурлын заал, уран зургийн галарей, үзвэр, үзүүлбэрийн танхим зэргийг багтаасан орчин үеийн хэлбэр дүрс, чанарын шаардлага хангасан 7-9 давхар барилга байх юм.

Уралдаанд оролцох бүтээлийг 2013 оны 12 дүгээр сарын 1-ны өдрийн 15.00 цаг хүртэл СУИС-ийн хичээлийн төв байрны 206 тоотод хүлээн авна. Шалгаруулах комисс уралдаанд оролцсон бүтээлүүдээс 2-ыг шалгаруулна.

Шагнал: Тэргүүн байр 3,5 сая төгрөг, дэд байр 1,0 сая төгрөг.

Дэлгэрэнгүй мэдээллийг СУИС-ийн хичээлийн төв байрны 206 тоот болон 88118283 дугаарын утаснаас тодруулан асууж болно.

СУИС-ийн Уран бүтээл, хамтын ажиллагааны газар 2013.09.18