Өглөө.мн Шинэ өглөө, Шинэ мэдээлэл
11-р сарын 12-14-ны хооронд “Торгон зам” угсаатны загвар болон “Газрын амьсгаа” хэмээх хөөмийн мастеруудын уралдаан Буриадад болох гэж байна. Тус уралдаанд загвар зохион бүтээгчид, дуучид Орос, Монголын олон бүс нутгуудаас оролцож, Буриад, Хакаси, Алтайн хязгаар, Тува, Монголын шилдэг хөгжимчид, хөөмийчдийн аялгуунд үндэстний хувцас, гоёл чимэглэлийн загвар үзүүлбэрийг үзэгчид үзэж сонирхох юм байна. Энэхүү уралдааныг Буриад улсад 4 дэх удаагаа, харин хөөмийчдийн уралдаан 6 дахь удаагаа явуулж байгаа юм байна. Уралдааны сонгон шалгаруулалт 11-р сарын 12-нд, харин хоёр уралдааны хамтарсан тоглолт 11-р сарын 14-нд Бестужевын нэрэмжит орос Улсын жүжгийн театрын тайзан дээр болох гэнэ. Тус уралдаанд манайхаас оролцох уран бүтээлчид удахгүй тодорхой борлох юм байна.
