Өглөө.мн Шинэ өглөө, Шинэ мэдээлэл
Ливэрпүүлийн Уругвай довтлогч Луис Суарэз Мэргэжлийн хөлбөмбөгчдийн холбооноос хөгжөөн дэмжигчдийн дунд явуулдаг санал асуулгаар ПЛ-н 10-р сарын шилдэг тоглогчоор шалгарчээ.
Өнгөрсөн сард Ливэрпүүл 3 тоглолт хийж 2 хожиж 1 тэнцсэн бөгөөд Луис Кристал Паласын хаалганд гоолдож, Ньюкаслын хаалганд орсон гоолын дамжуулалт өгснөөс гадна Вэст Бромвичийн хаалганд гайхалтай хэт-трик хийсэн билээ.
Одоогийн байдлаар ПЛ-н мэргэн буучдын жагсаалтыг багийнх нь анд Даниэл Старриж 8 гоолтойгоор хошуучилж, Луис Суарэз 6 гоолтойгоор 3-р байранд жагсаж явна.
Английн мэргэжлийн хөлбөмбөгчдийн холбооноос сар бүр хөгжөөн дэмжигчдийн дундах санал асуулгаар сарын шилдэг тоглогчийг шалгаруулдаг энэхүү нэр хүндтэй шагналыг Луис Суарэз 3 дахь удаагаа хүртэж байгаа юм. Өнгөрсөн жил тэрээр 11 болон 12-р саруудад ПЛ-н сарын шилдэг тоглогчоор шалгарч байлаа.
О.Амарсайхан
