Өглөө.мн Шинэ өглөө, Шинэ мэдээлэл
Тарваган тахал, халдварт өвчнөөс урьдчилан сэргийлэх цаг үеийн асуудлаар Нийслэлийн Мэргэжлийн хяналтын газрын дэд дарга Б.Батшагай өнөөдөр /2020.07.30 /мэдээлэл хийлээ.
Нийслэлийн Мэргэжлийн хяналтын газрын дэд дарга Б.Батшагай “Авто тээврийн товчоодод тарваган тахал өвчнөөс урьдчилан сэргийлэх чиглэлээр 24 цагаар НМХГ-ын Улсын байцаагч хяналт тавин ажиллаж байна.
Иргэд маань хууль бусаар агнасан тарвага болон тарваганы тулмыг нийслэл хот руу оруулж ирэхгүй байхад онцгой анхаарах хэрэгтэй байна ” гэлээ.
Тэрбээр үргэлжлүүлэн сайжруулсан шахмал түлштэй холбоотой асуудлаар мэдээлэл өглөө.
“ Нийслэлийн 150 гаруй хороонд өнгөрсөн жилээс сайжруулсан түлш түлж эхэлсэн бөгөөд энэ жил Баянзүрх дүүргийн 20, Сонгино хайрхан дүүргийн 21, Хан-Уул дүүргийн 12, 13, 14 гэсэн таван хороог нэмж байна. Тус таван хороонд энэ өвөл түүхий нүүрсийг хэрэглүүлэхгүй байхаар хянаж ажиллана” гэж мэдэгдлээ.
