Д.Содномыг Чингис хаан одонгоор шагналаа

  Эзэн Чингис хааны мэндэлсэн өдөр, Монгол бахархлын өдрийг тохиолдуулан Монгол Улсын Ерөнхийлөгчийн зарлигаар Монгол Улсын Ерөнхий сайд асан Думаагийн Содномыг өнөөдөр Чингис хаан одонгоор шагнав. Чингис хаан одонг Монгол Улсын Ерөнхийлөгч Цахиагийн Элбэгдорж Ерөнхий сайд асан Думаагийн Содномд гардуулан өгөв. Ерөнхий сайд асан Думаагийн Содном нь эзэн Чингис хааны одонгоор шагнуулсан долоо дахь хүн болж байгаа юм.

Шагнал гардуулах ёслолын үеэр Монгол Улсын Ерөнхийлөгч Цахиагийн Элбэгдорж, Ерөнхий сайд асан Думаагийн Содном нар үг хэллээ.