Эрээнд манай үндэсний үйлдвэрлэгчдэд зориулан түрээсгүй худалдааны талбай ажиллуулна

МҮХАҮТ Эрээн хотын засаг захиргаатай байгуулсан хамтын ажиллагааны санамж бичгийн хүрээнд Эрээн хотын худалдааны төвд Монголын бизнес эрхлэгч, үндэсний үйлдвэрлэл эрхлэгчдэд зориулан худалдааны талбайг нэг жилийн хугацаанд түрээсийн төлбөргүйгээр ашиглуулах гэрээг байгуулахаар болжээ.

Тус гэрээ байгуулагдсанаар манай үйлдвэрлэгчид БНХАУ-ын зах зээлд бараа бүтээгдэхүүнээ сурталчлах, хамтрагч түншээ олох, хөрөнгө оруулалт босгох боломжтой болох юм байна. Одоогоор энэхүү ажлын бэлтгэл хангагдаж дуусаад байгаа аж.