Содон хорооллоос гар утасны цэнэглэгчээр хоолойгоо боомилсон залуугийн цогцсыг олжээ

Сонгинохайрхан дүүрэгт байрлах Содон хорооллын 11-р байрны урдаас өөрийгөө боомилсон эрэгтэй хүний цогцсыг энэ сарын 6-нд олжээ.

Эх сурвалжийн мэдээллээр талийгаач нь тус дүүрэгт байрлах нэгэн байранд амьдардаг байсан бөгөөд уг байрны урд талын эрчим хүчний под станцын хаалганы түгжээнээс өөрийгөө боомилсон байдалтай нас барсан олдсон гэв. Хэргийн газраас талийгаачийн өөрийгөө боомилсон гэх 62 см урттай цагаан өнгийн гар утасны цэнэглэгчийг хураан авч, эд мөрийн баримтаас хурууны хээг авахаар шинжилгээнд явуулсан аж.

Шалгалтаар талийгаач нь 32 настай Н.У-гийн хэргийг Сонгинохайрхан дүүргийн цагдаагийн хоёрдугаар хэлтэст шалгалтын ажиллагаа үргэлжилж байна.