Өглөө.мн Шинэ өглөө, Шинэ мэдээлэл
УИХ өнгөрсөн баасан гаригт Улсын дээд шүүхийн шүүгчийн сонгон шалгаруулалтад тэнцсэн нэр дэвшигч Ц.Цогтын танилцуулгыг сонссон. Энэ үеэр УИХ-ын гишүүн Ч.Хүрэлбаатар шүүх хурлуудыг бүгдийг нь телевизээр шууд дамжуулдаг болох хэрэгтэй гэдгийг онцоллоо. Тэрээр “Шүүхийг хараат бус байлгахын тулд бүх шүүх хуралдааныг телевизээр шууд дамжуулдаг болох хэрэгтэй. Ингэвэл Монголд хэлмэгдүүлэлт явагдахгүй. Бас шүүхийн захиалга алга болно. Ард түмэн ямар шийдвэрийг яаж гаргаж байгааг харах хэрэгтэй. Хүн хэлмэгдүүлээд байгаа хүний үр хүүхдүүд нь ч хүний нүүр харж чадахгүй. Тиймээс хүн хэлмэгдүүлдэг хүн үр хүүхдүүдээ бодоод хүн хэлмэгдүүлэхээ болино” гэсэн юм.
