Польшийн кино өдрүүд эхэлж байна

Өнөөдрөөс эхлэн гурван хоногийн турш Польшийн кино өдөрлөг СУИС-ийн Радио, телевизийн сургуулийн “Оюутан театр”-т зохион байгуулагдах гэж байна. Дөрөв дэх жилдээ зохион байгуулагдаж буй тус арга хэмжээний нээлт 17:00 цагаас болох бөгөөд нээлтэд ССАЖ-ын сайд Г.Оюунгэрэл, БХЯ-ны ГХАГ-ын дарга, хурандаа Д.Ариунболд, СУИС-ын захирал Э.Сонинтогос, БНПУ-аас Монгол Улсад суугаа Онц бөгөөд бүрэн Эрхт элчин сайд ноён Тадеуш Хомицки, БНПУ-ын БХЯ-ын гадаад хамтын ажиллагааны орлогч дарга хурандаа Лех Драб, БНПУ-аас БНХАУ-д суугаа ЭСЯ-ны дэргэдэх Батлан хамгаалахын атташе Хурандаа Марек Зизновски нар оролцоно.

Өдөрлөгөөр  2011-2012 оны хооронд бүтээсэн Оскарт нэр дэвшиж байсан түүхэн, эмгэнэлт сэдэв бүхий:

1. Агнешка Холландын “Түнэр харанхуйд”

2. Лех Маевскийн “Тээрэм ба загалмай”

3. Алгожата Шумовскагийн “Дуудлагын охид”

4. Войчих Смажовскийн “Сарнай”

5. Рафаэль Левандовскийн “Сохор номин”

6. Вальдемар Кжистеъийн “Зууны луйвар-80 саяын хэрэг” гэсэн кинонуудыг үзэгчдэд толилуулах юм байна.