Монголбанк, банкуудад юань, доллар нийлүүллээ

Өнөөдөр уламжлал ёсоор Монгол банк гадаад валютын дуудлага худалдаа зохион байгууллаа. Банкууд ам.доллар, юань худалдан авах санал ирүүлсэний дагуу  23.5 сая ам.доллар, 3 сая юанийг своп хэлцлээр худалдаж, валютын захад ам.доллар болон юань нийлүүллээ. Мөн Монголбанк энэ удаагийн арилжаагаар 80.0 сая юань худалдсан байна.

Валютын дуудлага худалдааны тухай

Гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.
Монголбанкнаас гадаад валютын дуудлага худалдааг долоо хоног бүрийн Мягмар, Пүрэв гарагуудад тогтмол зохион байгуулдаг ба дуудлага худалдаанд зөвхөн банкны үйл ажиллагаа эрхлэх зөвшөөрөлтэй, Монгол Улсын нутаг дэвсгэр дээр үйл ажиллагаа явуулж буй банкууд оролцдог.
Монголбанк нь валютын дотоодын захад оролцогчдод аливаа мэдээллийг нээлттэй хүргэхийг дэмжиж ажилладаг бөгөөд энэхүү мэдээллийн эцсийн зорилго нь валютын захын тогтвортой байдал, төгрөгийн ханшийн огцом хэлбэлзлийг үүсгэхгүй байхад чиглэгддэг.