Харагчин хонь өдөр

Аргын тоололын 11 сарын 13-ны лхагва гараг, билгийн тоололын өвлийн тэргүүн харагчин гахай сарын шинийн 11-ний буд гараг, 3 хөх мэнгэтэй, огторгуй хөлөлтэй, рашааны барилдлагатай харагчин хонь өдөр. Өдрийн наран 8:16 цагт мандаж, 17:36 цагт жаргана.

Эл өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Тухайн өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал эрхтэн хурц болно гэж дорнын зурхайд өгүүлжээ.